(It’s NOT a true story, but inspired by a true story)
Butet : “(hiks…hiks…hiks…) …Enyakkk…Babeee…pegimane neh kalo aye sampe kagak lulus ujian Es Em Ak…? (hiks…hiks…hiks…) ‘Pan aye maunye kuliah di Ukape, kalo aye sampe kagak lulus ujian Es Em Ak, mane bisa ketrima di Ukape…? (hiks…hiks…)”
Enyak : “Udeh……cup…cup…cup……udeh donk…jangan mewek gitu terus ah… Udeh…loe tenang dulu donk, Tet… Masak seh loe sampe kagak lulus ujian Es Em Ak ? ‘Pan loe anak Enyak nyang pinter. Lulus dah loe…lulus… percaye deh ame Enyak loe ini…”
Babe : “Iye…bener ape kate Enyak loe ini, Tet. Babe juga kagak yakin kalo loe bakal kagak lulus ujian begituan doank.”
Butet : “(hiks…hiks…hiks…) …tapi Nyak……Be……aye bener-bener mentok dah pas ujian kapan hari. Gak tau kenape, kepale aye rasanye kosong bener kapan hari itu…! (hiks…hiks…hiks…) Aye bener-bener takut kalo sampe kagak lulus…”
Babe : “Udeh lah…tenang aje ‘napa sih loe, Tet ! Sekarang loe diem dah…Babe yakin pasti ade jalan bakal loe kuliah.
Kalo pun loe ampe kagak lulus ujian Es Em Ak, loe kan masi tetep bisa kuliah di LUAR NEGERI, kayak Mpok-Mpok ame Abang-Abang loe !
Babe ame Enyak loe ini sanggup kok ngekuliahin loe di LUAR NEGERI, lagian Mpok-Mpok ame Abang-Abang loe ‘pan juga udeh pade kuliah di sono !”
Butet : “(hiks…hiks…hiks…) …kagak mau Be, Nyak……aye kagak mau kuliah di LUAR NEGERI, aye maunye kuliah di Ukape nyang deket-deket sini aje, biar kagak usah jaoh-jaohan ame Enyak-Babe ! (hiks…hiks…hiks…) Pegimane donk, Nyak, Be… aye takut neh……”
Enyak : “Ya pegimane lagi……kalo loe lulus mah kagak ade masaleh loe mo kuliah di mane aje… Tapi kalo ampe loe emang beneran kagak lulus, ya kagak ade pilian laen dah, kecuali loe kuliah di LUAR NEGERI kayak Mpok-Mpok ame Abang-Abang loe…”
Shallom,
(c)YIK230806
