Dongeng Negeri Bebek
Masi inget Dongeng Negeri Ayam ?
Nah nyang ini cerite tentang Negeri Bebek.
Yup…yup…yup…Negeri BEBEK ! Kwak…kwik…kwek…!!! 
Alkisah sih katenye Negeri Bebek ini tempatnye kagak jauh-jauh amat dari Negeri Ayam, paling cuman satu jam-an ngepakin sayap juge udeh nyampe.
Tapi…Negeri Bebek ini kalo diliat dari segale sudut pandang, AMPIR SEMUE aspeknye lebih "waahhh" daripade Negeri Ayam !
Luas daerah ? Negeri Bebek jauh lebih gede !
Jumlah penduduk ? Negeri Bebek malah udah padet banget !
Pendapatan per kapita ? Negeri Bebek jelas juauh lebih tajir !
Ngetop-nya ? Tutup mate deh…di dunia internasional sih Negeri Bebek udeh pasti lebih ngetop !
Kualitas SDU (Sumber Daya Unggas) ? Wah…di sini tempat ngumpulnye bebek-bebek (& unggas-unggas) yang terbaik !
Kemajuan teknologi ? Didukung ame SDU terbaik, ye udeh jelas teknologinye juge jadi top abis cing (kalo dibandingin ama Negeri Ayam) !
Trus…dan trus…dan trus…daptarnye masi bise lebih panjang lage neh, cuma kan kesian banget ya jadinye Negeri Ayam kesannye jadi kagak ade bagus-bagusnye getu, huehehehe…..
Kenape ye, bise beda getu ? Padahal pan same-same unggasnye ye ?
BANYAK alesan nyang bikin Negeri Bebek ame Negeri Ayam bise beda jauh getu, tapi salah satu alesan nyang paling utame…..ya KUALITAS SDU-nye !!!
Kok bise ye ?
Di Negeri Ayam pan udeh ade Ayam-Ayam Interlokal nyang sempet belajar plus ngrasain kemajuan teknologi di luar negarenye ?
Belom lagi Ayam Kampungnya nyang juga udeh mulai kagak ketinggalan kemampuannye ame Ayam Interlokal ? (Biar Ayam Kampung tapi banyak nyang udeh pade jadi propesor loh !)
Nah itu die…kualitas SDU nyang bikin Negeri Bebek jauh lebih "waahhh" daripade Negeri Ayam tuh bukan di otaknye, tapi lebih banyak di jiwanye !
Jangan dikire di Negeri Bebek kagak ade Bebek-Bebek "Interlokal", wooo…..bejibun malahan !
Cuman sebagian besar Bebek "Interlokal" ini kagak se-songong (= sok, norak, sombong) Ayam Interlokal ! Begitu mereka pade balik ke negerinye, mereka kagak mau terlalu dibedain ame bebek-bebek lain alias Bebek "Kampung".
Yah…emang mereka pade kenyataannye emang "beda", tapi ya itu…"beda"nye mereka ama Bebek "Kampung" kagak bikin mereka jadi songong !
Mereka juga punya semacem arisan Bebek "Interlokal" kayak Ayam Interlokal, tapi gank arisan mereka kagak terus ngelecehin Bebek "Kampung" nyang kagak punya kesempatan & hoki kayak nyang mereka dapetin/rasain !
Mereka tetep sadar sesadar-sadarnye kalo mereka itu ya darahnye ame dagingnye ye Bebek "Kampung" !
Beda ame Ayam Interlokal nyang cuma meng-kokokan (berkokok kok jadi mengkokok yak…?! huehehe….tauk ah glap !) "Budaya Ayam" di paruh mereka pagi siang malem (NAKO = No Action Kokok Only !), kalo para bebek di Negeri Bebek meleterkan "Budaya Bebek" ga cuman di paruhnye doank, tapi bener-bener meresep ampe ke jiwa mereka !
Setiap ade pesta rakyat, para bebek dengan serempak sejiwa secingur (?) sekwek-kwek menyanyikan lagu-lagu tradisional Negeri Bebek ! Mereka bahkan sampai tertawa melompat menari menangis bersama dengan kompak rancak serempak semerbak saat menyanyikan lagu-lagu tradisional Negeri Bebek !!! Mereka bener-bener ngerti gimane pentingnya "Budaya Bebek" buat kehidupan mereka. Mereka bener-bener nyanyi & pesta dengan jiwa, bukan dengan paruh doank !
(Kagak kayak di Negeri Ayam nyang malah udeh mulai ngasi label "haram" di setiap lagu tradisional mereka, tapi di saat nyang same berkokok-kokok terus tentang "Budaya Ayam" ! Kecian banget ya ayam-ayam itu ?!? Alhasil pesta rakyatnya para ayam jadi garing banget dah !)
Cara ngajar anak bebek di Negeri Bebek juga menghasilkan SDU-SDU nyang lebih gape daripada cara ngajar piyik di Negeri Ayam.
Kalo di Negeri Bebek, para anak bebek bener-bener dididik buat jadi bebek nyang berkualitas. Setiap pengajaran disesuaikan ame tingkat kemampuan kognitif, konasi, dan psikologis si anak bebek (busyettt…mangkanye sekarang ade "animal psychology" ye…hehehe…). Jadi nyang diajarin ke anak-anak bebek tuh bener-bener perpaduan antara kemajuan teknologi dan "Budaya Bebek" (nyang seringkali dicap "kuno" ame Ayam Interlokal).
Di sekolah-sekolah bebek ga cuma ada hasil eksperimen bebek-bebek kecil dengan bahasa ilmu perbebekan yang rumit ruwet njlimet, tapi juga tetep ada celotehan nyanyian lagu tradisional anak bebek, kayak : "Bapak Bebek Punya Banyak Telor", "Dari Netes Telor Bebek", "Hepi Kwek Kwek Kwek", "Dalam Nama Bebek", "Telorku Ada Lima", "Telor Bebek Bunder", "Bebek-Bebek Di Sawah", de el el de es be de es te…
So, dihasilkanlah Bebek-Bebek dengan kualitas SDU nyang gape bener, tapi juga tetep seimbang jiwanye, bukan karbitan !
(Kalo di sekolah piyik/anak ayam ? Wuah…Ayam Interlokal bener-bener memaksa menyiksa mengkarbit piyik-piyik itu supaya bener-bener jadi Ayam Ras. Para Ayam Interlokal ga mau peduli kalo piyik-piyik itu keganggu keseimbangan jiwa ayamnya gara-gara program modul "To Be A Broiler Chicken" yang mereka rancang ! Trus knapa Ayam Kampung diem aje ? Ya gimana…karena kekuatan gabah Ayam Interlokal yang berlumbung-lumbung, otomatis posisi pejabat kebanyakan dierami ama Ayam Interlokal deh ! Ayam Kampung ya cuma bisa ngaplo, kalah power cong !)
Yahh…itu baru sebagian keciiilllll hal-hal nyang mbedain antara Negeri Bebek ame Negeri Ayam. Para Bebek bukannya kagak kesian ngliat negeri tetanggenye nyang "sama seperti kuburan yang dilabur putih, yang sebelah luarnya memang bersih tampaknya, tetapi yang sebelah dalamnya penuh tulang belulang dan pelbagai jenis kotoran", tapi mo gimane lage…..kalo diingetin si ayam-ayam itu pada cuma kukuruyuk doank meng-iyakan, tapi kagak mao brubah same sekali ! Ya lame-lame segen plus kesel juga bebek ngasih tau nyang baek-baek ke ayam, biarin dah kejebur sumur !
Padahal lage, di saat nyang same, si ayam sebenernya ngiri loh ama Negeri Bebek, nah lo…aneh bin azaib kan si ayam-ayam kecian itu !
Emang seh, Negeri Bebek kagak sempurne-sempurne amat. Tapi paling kagak, ketentraman kedamaian kesejahteraan suka cita Negeri Bebek lebih asli murni daripada Negeri Ayam nyang lebih suka ngamprokin bom waktu di pantatnye ketimbang brubah jadi ayam yang "asli".
Hehehehe…..itu kali ye sebabnye harga bebek lebih mahal daripade ayam ???
Mangkanya lebih banyak ayam nyang mati kena flu daripada bebek yak !??
Kebanyakan tingkah sih loe, Yam…! 
Shallom,
(c)YIK091105
